«Салт-дәстүрім – таусылмайтын байлығым» атты этномәдени сайыс

Мектебімізде «Ұлттық құндылықты дәріптеу күніне орай   қазақтың салт-дәстүрлерін насихаттау мақсатында 5-11 сыныптар арасында «Салт-дәстүрім – таусылмайтын байлығым» атты этномәдени сайыс болып өтті.
Мақсаты: Оқушылардың халық дәстүрі туралы ұғымдарын кеңейту. Қазақ халқының қанына сіңген ізгі адамгершілік қасиеттерінің халықтың салт-дәстүрлерімен сабақтастығын түсіндіру; Тәрбиелік мәні бар салт –дәстүрлерді бойына сіңіру.
 Сайыс барысында  әр сынып оқушылары ата-бабамыздан келе жатқан қазақтың салт-дәстүрлерінен көрініс қоя отырып, ұлттық мұрамызды қайта жаңғыртып, ұлттық құндылықтарымызды бойына сіңірді. Беікке салу, азан шақырып ат қою рәсімі, қырқынан шығару, тұсау кесу, ерулік, қымызмұрындық, бастаңғы, сырға салу сияқты қазақтың салт-дәстүрлерінен көрініс көрсетілді.
 Соңында әділ төрешілер этномәдени сайысқа қатысқан сынып оқушыларының өз бағасын берді. Нәтижесінде оқушыларымыз халық дәстүрінің маңыздылығы туралы түсініп, оны қадірлеп, бағалай білу дағдылары қалыптасты.