Соңғы қоңырау

Бүгін қызығы мен қиыншылығы мол, әр оқу жылы қайталанбас тарихқа толы мектептің мерекесі, оқушылардың сыныптан-сыныпқа көшіп, асыға күткен жазғы демалысқа шығарып салатын соңғы қоңырау салтанаты болып өтті.

Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл - қыздарымыз ойы толып, бойы өсіп, алтын ұя мектебімен қоштасты. Бұл күн – мектеп тарихында, мектеп бітіруші түлектер есінде мәңгі өшпесі анық.
 Міне тағы бір оқу жылы аяқталып, біздің мектебіміздің 37 түлегі бүгінгі салтанатты жиында балалықпен, мектеппен қоштасты.

2022-2023 оқу жылының жыл қорытындысы қорытындыланып,  өздерінің белсенділігімен, талай биік белестерді бағындырған үздікте марапатталды.

Үздік сынып-2023 5 «Ә» сынып , жетекшісі: Кайранбекова Айнур Бақытжанқызы.

Үздік сынып жетекші-2023 

Бейсебаева Мадина Болатқызы.

Үздік ата-ана Сағымбаева Нұргүл.

Үздік оқушы-2023

 10 сынып оқушысы Бейсембаева Айгерім марапатталды.

Мектебіміздің табалдырығынан үлкен өмірге 37түлек жолдама алды 37 арман, 37үміт, осынша сенім мен осынша тағдыр! Еліміздегі мыңдаған мектептерден мыңдаған түлектердің ұшып шыққанын ескерсек, ересектер қатары осынша адамға, осынша күшке толықты! Қанаттарың талмасын, жас түлектер! 

Оқушыларымызға соңғы қоңырау салтанатымен құттықтап, алдағы демалысты көңілді өткізіп, жаңа оқу жылында жаңа күш жігермен алтын ұя мектебімізде қауышқанша дейміз.