RU KZ

«Жол жүрісін ұйымдастыру мәселелері бойынша кейбір заңнамалық актілерге өзгерістер мен толықтырулар енгізу туралы» Заңға (бұдан әрі - Заң) қол қойды

Мемлекет басшысы 2023 жылғы 29 маусымда «Жол жүрісін ұйымдастыру мәселелері бойынша кейбір заңнамалық актілерге өзгерістер мен толықтырулар енгізу туралы» Заңға (бұдан әрі - Заң) қол қойды.

Заң ресми түрде 2023 жылғы 30 маусымдағы «Егемен Қазақстан» баспа басылымында жарияланды және ағымдағы жылғы 30 тамыздан бастап қолданысқа енгізіледі.

Заңмен «Жол жүрісі туралы» Заңға шағын электр көлік құралдары мен электр самокаттарды пайдалануды регламенттеу бөлігінде заңнамалық түзетулер енгізіледі.

Осылайша, Заңға бұрын болмаған «электр самокат» және «шағын электр көлік құралы» ұғымы еңгізілді («Жол жүрісі туралы» Заңның 1-бабы 53-1) және 57) тармақшалары).

шағын электр көлігі құралы – электр қозғалтқышы бар электр самокаттар мен мопедтерді қоспағанда электр қозғалтқышпен жарақталған, жеке жүріп-тұруға арналған, бір немесе бірнеше дөңгелегі бар көлік құралы (гироскутерлер, сигвейлер, монодөңгеліктер, электр скейтбордтар және т. б.);

электр самокат - екі немесе үш дөңгелегі бар, электр қозғалтқышты (электр қозғалтқыштарды) пайдалану арқылы бір адамның жүріп-тұруына арналған, орындығы жоқ, ең жоғары конструктивтік жылдамдығы 25 км/сағ аспайтын жеке мобильді көлік құралы.

Электр самокаттардың, шағын электр көлік құралдарының жүргізушілерінің құқықтары мен міндеттері айқындалады (57-бап).

Добавлено: 24-04-2024, 10:23
0
597

Добавить комментарий

Кликните на изображение чтобы обновить код, если он неразборчив

Наверх