«Мектеп жанындағы интернаты бар жалпы орта білім беретін #6 мектебі» КММ

«Мектеп жанындағы интернаты бар жалпы орта білім беретін #6 мектебі» КММ «Өзін-өзі тану: Сүйіспеншілік пен Шығармашылық педагогикасы» тақырыбында 01.02.2022 күні дәстүрлі онкүндігінің ашылу салтанаты өтті. Келген қонақтарды, мектеп ұстаздарын және оқушыларды жылы лебізбен қарсы алдық.
Мақсаты: Махаббат пен шығармашылық аясында оқушыларға махаббат, бақыттың құндылық ретіндегі мағынасы және мейірімді адам қасиеті мен өзара көмек әрекеттері туралы түсінік беріп, қамқорлық жасау, көмек көрсету дағдыларын дамыта отыра, рухани адамгершілік қағидаларын өз бақыты үшін дұрыс қолдана білуге, өмірді бағалай білуге тәрбиелеу.
Сара Назарбаева туралы қысқаша бейне баян көрсетілді. Сонымен қатар, рухани жан дүниесін байытып, ішкі жан дүниесін ашуға «Өзін-өзі тану» пәнінің құндылықтарына тоқталды. Психологиялық жақсы хал ахуал тудыру мақсатында оқушылар мен ұстаздарға аффирмация жүргізілді. Апталықтың онкүндік өткізу бағдарламасы таныстырылды. Бүгінгі онкүндіктің ашылу салтанатында осы құндылықтарды сипаттайтын «Ана туралы жыр» әні оқушылармен бірге шырқалды. Жан жылуын шашып, жадырап жүрейік!