«Мектеп жанындағы интернаты бар жалпы орта білім беретін #6 мектебі» КММ

“Мектеп жанындағы интернаты бар жалпы орта білім беретін #6 мектебі” КММ “Жаратылыс сыры - ғылымда” атты пәндер апталығының аясында 11А сыныбына “Жарықтың сыну заңы. Толық ішкі шағылу” тақырыбында ашық сабақ өтілді.
Сабақ басында “Атом - Молекула” ойыны арқылы жағымды ахуал жасалып, 3 топқа бөлінді.
“Сұрақ-жауап” әдісі арқылы үй тапсырмасы сұралды. Оқушылардың жауабына мұғалім кері байланыс жасап отырды.
Жаңа сабақтың тақырыбы “Ой қозғау” әдісі бойынша балаларға проблемалық сұрақ ( суы бар ыдысқа қаламды салсақ, қалам неге сынып қалған сияқты көрінеді? ) қою арқылы ашылды.
Жаңа тақырыпқа байланысы бейнематериал көрсетіліп, берілген ақпаратты мұғалім оқушылармен талқылады. Топпен жұмыс жүргізіліп, постер арқылы қорғалды. Топтар бір-бірін “Бас бармақ” әдісі арқылы бағалады.
Сабақтың соңында, жаңа тақырыпты бекіту мақсатында Google формада оқушылар тест орындады. Тестен алған ұпайлары тақтаға шығарылды. “Үш М және Ә” әдісі бойынша рефлексия жасалды. Топ басшыларының бағалуы тыңдалды. Оқушыларға үй тапсырмасы берілді.
Сабақ мақсатына жетіп, жоғарғы деңгейде өтті. Сабақты ұйымдастырған физика пән мұғалімі Ә.Т Төлегенқызына шығармашылық табыс тілейміз!