«Мектеп жанындағы интернаты бар жалпы орта білім беретін #6 мектебі» КММ

Мектебімізде Мұқағали Мақатаевтың туған күніне орай, 5-11 сынып оқушыларының арасында жылдағы дәстүр бойынша Мұқағали оқулары «Мұқағали- мәңгілік ғұмыр» атты тақырыпта қазақ тілі мен әдебиет пәнінің мұғалімі Бирталаева Бахыт Нұрланқызының ұйымдастыруымен болып өтті. Сайысқа 20 – дан астам оқушы қатысып, ақын өлеңін оқып, өмірі мен шығармашылығынан сұрақтарға жауап беріп, ақынға арнау өлеңдерін шығарса, «ақын мұражайына менің үлесім» бөлімінде түрлі бұйымдар жасап бақ сынасты. Сайыс өте тартымды өтті, сахнаның безендірілуі тақырыпқа сай, оқушылар үлкен дайындықпен келген. Сайыс соңында мектеп директоры Л.Т. Молдашева ұйымдастырушы ұстазға әрі сайысқа қатысқан оқушыларға өте ризашылығын білдіріп, әділқазы алқасының шешімі бойынша жеңімпаз оқушыларды марапаттады. Сайыстың жеңімпазы атанған 9- сынып оқушысы Сабрджанова Ақботаға аудандық сайысқа қатысуына жолдама беріп, ол оқушының ортамызға үлкен жеңіспен оралуына сенім мен сәттілік тіледі.