Жазғы лагерде бүгінгі күн « Музыкалық көңіл -күй» күніне арналды

Абай облысы білім басқармасының Аягөз ауданы білім бөлімінің « Мектеп жанындағы интернаты бар жалпы орта білім беретін #6 мектебі» КММ-де  2023 жылдың 7- маусым күні мектеп жанындағы Жазғы  лагерде бүгінгі күн « Музыкалық көңіл -күй» күніне арналды. Күннің бірінші жартысында  таңертеңгі бой жазу жаттығулары, таңғы ас ішу, жоспарға сай «Әнші, биші, күйші балапандар» ертеңгілігіне ұласты. Ертеңгіліктің мақсаты баланың бойындағы музыкаға деген қызығушылығын арттыру; ән айтып, би билетіп, күй орындату арқылы өнерге баулу. Лагерь тәрбиленушілері Сабина мен Айсана, Мансұр мен Айкөркем, Жалын, Азиза, Сезім, Алмас тамылжыта ән салса, Айару, Сезім, Айсана, Аяла, Наркес мың бұрала би билеп, кеш соңында Нұрдос пен Еркеназ баянмен кештің 
сәнін келтірді. Кеш соңында балалар хормен «Лагерь жырын» орындады. Кеште өнер көрсеткен балалар марапаттарға ие болды. Кеш балалардың көңілінен шықты. Түскі ас ішкеннен кейін ұйықтар алдында мектеп кітапханашысы Нукаева Гулвираның ұйымдастыруымен «Оқуға құштар мектеп» жобасы бойынша «15 минуттық кітап оқу» акциясы іске асырылды.