“Нәтижеге бағытталған білім берудің негізі-жаңаша оқыту” тақырыбында қазақ тілі, химия,биология, математика,информатика пәндерінен жас мамандарға арналған аудандық семинар

Аягөз аудандық оқу,ғылыми,ұйымдастырушылық,әдістемелік кабинетінің жылдық жоспарына сәйкес, 2023 жылдың 07 желтоқсан күні “ Мектеп жанындағы интернаты бар жалпы орта білім беретін #6 мектебі”КММ -де “Нәтижеге бағытталған білім берудің негізі-жаңаша оқыту” тақырыбында қазақ тілі, химия,биология, математика,информатика пәндерінен жас мамандарға арналған аудандық семинар болып өтті.

Семинар мақсаты: Жаңартылған білім мазмұны бойынша озат іс-тәжірибені  тарату, Жас мамандарға үлгі ету Семинарға 48 жас маман қатысты.Семинарда озат тәжірибелі, педагог-зерттеуші,педагог-сарапшы ұстаздар ашық сабақтар мен шеберлік сыныптары арқылы өз іс-тәжірибелерімен бөлісті.Қазақ тілі мен әдебиеті пәнінің мұғалімдері Нөкербекова С.Қ. 9-кл “Адам құқығы-мемлекеттің басты қуаты” , Смаилова Сымбат Тансыккановна 7-кл. әдебиеттен “Айтыстың ақиығы”,Ахметова К.А. биология пәнінен 8-кл.’Жүрек- қан тамырлар жүйесінің аурулары, Таубекова Д.С. 9-кл.химия пәнінен “1-топ элементтері және олардың қосылыстары.Натридің  сумен әрекеттесуі “, Манасбаев Ә.М.9-кл.алгебрадан “Арифметикалық прогрессия” тақырыбында ашық сабақтар өткізсе, Мырзаканов Е.Қ.жас мамандарға “Интерактивті әдіс-тәсілдер” тақырыбында коучинг өткізіп, “ Жас мамандар “ жетекшісі ,озат тәжірибелі ұстаз Сүлейменова А.Ж. “Функционалдық сауаттылық-сапалы білім берудің кепілі” тақырыбында шеберлік сабақ көрсетті.Семинар жоғары деңгейде өтті деп бағаланып, жас мамандар кері байланыс жасады. Семинар соңында аудандық оқу, ағарту, ғылыми,әдістемелік кабинетінің меңгерушісі  Маликова Ж.Ы ,  әдіскерлер Жақсыбаева  Б.М, Тусипова Қ.А , Өртбаева А.Ө сөз алып, келген жас мамандарға ой түйетіндей кері   байланыс жасап, бағыт-бағдар   берді.Мектеп  директоры Сапакова Ж.С. келген қонақтарға, жас мамандарға алғысын білдірді.