«Абайдың қара сөздері- ұрпаққа мәңгі мұра »
Абай Құнанбайұлының 175 жылдық мерейтойына орай, «Абайдың қара сөздері- ұрпаққа мәңгі мұра » тақырыбында 5-11 сынып оқушылары арасында көркем сөз оқу шеберлері байқауы болып өтті.
Байқаудың мақсаты: Ұлы ақынның өнегелі өмірімен таныстыру, ақынның даналығын, рухани асыл- мұраларын насихаттап, ғибратқа толы қарасөздерін жатқа оқу арқылы көркем сөйлеуге, шығармашылықпен жұмыс істеуге баулу.
Әр қатысушының жатқа мәнерлеп оқудағы шеберлігін айқындау, қара сөздерді нақышына келтіріп орындау, қазақтың тілі мен мәдениетіне құштарлықты арттыру, поэзияға құштарлықты ояту және ұлт мақтанышының рухани мұрасын терең түсініп қадірлей білетін ұрпақ тәрбиелеу.
Сайысты ұйымдастырушы қазақ тілі мен әдебиеті пәнінің мұғалімі Бирталаева Бахыт Нұрланқызы. Сайысқа 27 оқушы қатысып, көркем сөз оқу шеберліктерін ортаға салды. Көркем сөз оқу шеберлігімен танылып, дараланған оқушылар марапатталды. «Бас жүлдені» 7- сынып оқушысы Мейрамханқызы Аяулым иеленді. Сенім артқан бұл оқушымыз сайыстың аудандық кезеңінен «Бас жүлде» иеленді.
