«Наурыз думан-2022» атты мерекелік іс-шара

"Мектеп жанындағы интернаты бар жалпы орта білім беретін #6 мектебі" КММ-де наурыз айының 18 жұлдызында 1-11 сыныптар арасында «Наурыз думан-2022» атты мерекелік іс-шаралар болып өтті.

Ұлық мерекені мектеп қабырғасында атап өтудегі басты мақсат салт-дәстүр, наурыз құндылықтарын дәріптеу. Бұл бала тәрбиесіндегі басты қағида.   Наурыз-көнеден келе жатқан мереке. Көпшілік жаңа күн, жаңа жыл барлық куаныш пен жақсылықтың бастауы болсын деп ак тілектерін білдіреді. Күн мен түн теңелетін көктемнің шуақты мерекесі. Наурыз мейрамына мектебіміздің оқушылары айрықша дайындалып, өнерлерін ортаға салды. Сегіз қырлы, бір сырлы балалар өлең айтып, ән салып, би биледі. Халқымыздың ежелден келе жатқан ұлттық ойындары ойнатылды. Ал, ата-аналар  қазақтың ұлттық тағамдары: жеті түрлі дәмнен жасалған наурыз көже, бауырсағын тағы да басқа тағамдарымен ақ дастарханды жайнатып қазағымыздың салт-дәстүрлерін насихаттады.