Абаттандыру

Әр адам өз елінің патриоты болу керек. «Жаңа Қазақстан» әлемдегі ең жасыл мемлекеттер қатарында. Осы орайда туған жерінің мәртебесін көтеру, қамқор болу, жайнаған жарқыраған елдің тұтқасын ұстау, бүгінгі жас буынның қолында. Сондықтан бүгінгі жас, ертеңгі елдің жалындаған жастары, ұлт келешегі, ертеңгі қоғамның айнасы. Жас буынның туған жеріне деген қызығушылықтарын арттыру, өз тәлім алып жатқан алтын ұя мектебін жасылдандырып, абаттандырудан басталады.

Мектебімізде «Жасыл мекен форумының» ұлттық құндылықпен байланыстырыла тәрбие негізінде жүйелі түрде жүзеге асырылып келеді. Биылғы оқу жылында ұлттық құндылықтарды насихаттау, қолмен ұстап, көзбен көргендей «Ұлттық құндылықтар – тәрбиенің қайнар көзі» тақырыбында облыстық семинар болып өтті.  Семинар барысында ұлттық салт - дәстүрлеріміз асық ату, ләңгі тебу, қол күрестіру, аударыспақ ойнау, тоғызқұмалақ, әжелеріміздің ұршық иіру, жүн түту дәстүрі, сондай-ақ сахнада қыздар-жігіттер айтысы, «Еңлік-Кебек» қойылымдары, ұрпақтың өткенді құрметтеп, қастерлеп, жанды түрде көкірегіне түюіне жол ашты. Мектеп ішіндегі осы тәрбие жұмысы көктем айында, мектепті абаттандыруда сабақтастығын тапты. Өз қолдарымен қазақтың ұлттық баспанасы, ұлт мақтанышы, әлемдік деңгейде сұранысқа ие болып тұрған киіз үйді өз қолдарымен иіп, бекітіп, фундаметін құйып, жасап шықты. Сары қымыз сапырып, шөлді қандыратын, қазақтың ұлттық ыдысы торсықты тостағанымен  жасап мектеп ауласына орнықтыру, өз қолдарымен тұрмыстық қалдықтарды бояп, іске жаратып, қошқар мүйіз оюын жасап, ішін гүлзарларға толтырып баптау, бүгінгі буынның ұлтына, туған жеріне деген терең сүйіспеншілігін көрсетеді. 

   Мектеп ішіндегі «Оқуға құштар мектеп» жобасы өз жалғасын, мектеп ауласынан тауып, оқушылар өз қолымен кітаптың мүсінін жасап, ішін гүлзармен өрнектеді.

Бүгінгі таныстыруымызды қорытындылай келе, бүгінгі таңда ұлтымыздың рухани байлықтарын көзіміздің қарашығындай сақтап, бүгінгі жас буынның ой-санасының ажарамас бөлшегіне айналдырып, келешекке кіршіксіз күйінде болашаққа мирас етеміз десек, алтын ұя мектеп қабырғасында ішкі және сыртқы тәрбиені бір-бірімен сабақтастыра, ұластыра жүргізу басты міндетіміз деп білеміз!