8-11 сынып қыздарына «Ерте жүктіліктің алдын алу» қыздар ұйымының жиналысы

«Мектеп жанындағы интернаты бар жалпы орта білім беретін №6 мектебі» КММ-де 8-11 сынып қыздарына «Ерте жүктіліктің алдын алу» қыздар ұйымының жиналысы болып өтті.Баяндамашы қыздар ұйымының төрайымы Сулейменова А.Ж  бүгінгі жиналыстың мақсатымен таныстырып, жиналысты ашты. Жастарға дұрыс бағыт бағдар беру және ерте жүктіліктің алдын алу мақсатында өткізіліп жатқан жиналыс екендігін  оқушыларға баяндады.

Күн тәртібіндегі бірінші мәселе  бойынша ерте жүктілік деп 13-19 жаста болған жүктілікті айтамыз. Бұл кезде қыз балада бойжеткен кезеңі-гормоналды ауысу кезеңі басталады.  Бұрын ерте жүктілік жағдайы төмен отбасыларында болады деп есептелген, бірақ қазір бұл пікір өзгерді. Себебі тұрмыс жағдайы жақсы отбасында өскен балалар жауапкершілікті сезінбейді. Көпшілік ата-аналар балаларының сексуалды өмірлеріне араласқылары келмейді. Мұны бұқаралық құралдардан интернеттен біледі деп ойлайды. Алайда, бұл ақпарат қыз балаларға жеткіліксіз болып келеді.  Ерте жыныстық қатынасқа түсу жасөспірімдердің репродуктивті денсаулығын бұзады. Қыз бала, қыз,әйел- бұл бір ғана адам өткеретін әртүрлі кезең. Ол әрбір кезеңде қуанышпен де,қайғымен де, түрлі дерттермен де бетпе-бет кездеседі. Дені сау ұрпақты өмірге әкелу үшін  әйелдердің репродуктивті денсаулығы өте маңызды екенін түсінуіміз қажет екендігін қыздарға түсіндіріп  қыздар ұйымының төрайымы Сулейменова А.Ж  айтып өтті. Баяндамашы Сулейменова А.Ж  егер ерте жүктілік болған жағдайда   сенім телефонына немесе көрсетілген мекен-жайға келіп  көмек сұрауға болатынын баяндады.

    Күн тәртібіндегі екінші мәселе «Ерте жүктіліктің қауіп-қатері». Баяндамашы қыздар ұйымының мүшесі Таубекова Д.С статистикалық мәліметтерді баяндап, ерте жүктіліктін  қауіп-қатері өте зор және оның жауапкершілігі мол іс екенін тілге тиек етті. Жасөспірімдер бір ғана шалыс басқан істің артында үлкен қауіп-қатер бар екенін біле бермейді. Мысалы жас ана жүктілікті физикалық көтере алмайды, қиын таңдау тұрады: аборт жасау немесе баланы қалдырса өзін және нәрестені қауіп қатерге тігеді. Толық қалыптаспаған организм жүктілікпен және босануды көтере алмайды соның салдарынан  ақауы бар баланың дүниеге келуі мүмкін. Міне, жоғарыда аталған дүниенің бәрі ерте жүктіліктің қауіп қатері екенін  оқушыларға жеткізді.

#Біртұтас_тәрбие_Абай_облысы_Аягөз

#АПҚО_Абай_облысы_Аягөз