Аягөз арландары «Айбыннан» жүлделі оралды
![](/uploads/posts/2024-05/medium/1716299055_85566980-9cb2-4804-8fe0-80846ca659ca.jpeg)
![](/uploads/posts/2024-05/medium/1716299090_4c817ff0-29af-4e79-b7f6-c6d5f5f43171.jpeg)
![](/uploads/posts/2024-05/medium/1716299082_ad6dcbdd-a005-4a04-8efb-deaf29baa3d1.jpeg)
![](/uploads/posts/2024-05/medium/1716299017_6a4234cf-9179-497b-9f87-5bde740fd485.jpeg)
![](/uploads/posts/2024-05/medium/1716299088_8adef338-8d33-4d04-815d-772da6ef46be.jpeg)
![](/uploads/posts/2024-05/medium/1716299091_fd983e42-2ea0-4c03-8d14-d23c08e6c21e.jpeg)
![](/uploads/posts/2024-05/medium/1716299073_14c8b58e-2b13-4fa4-b6c2-9e37c533d139.jpeg)
![](/uploads/posts/2024-05/medium/1716299102_2f22266c-f73b-4f38-bf07-8f9164301608.jpeg)
Абай облысында Халықаралық «Айбын» әскери-патриоттық жастар жиынының облыстық іріктеу кезеңі өтіп, Аягөз ауданының намысын қорғаған оқушылар жүлделі ІІ орыға ие болды. Дәстүрлі сайыс Шүлбі кентіндегі «Ұлан» патриоттық орталығының базасында ұйымдастырылды. Іріктеу турына 10 әскери-патриоттық клуб қатысты. Олар аудандық және қалалық сайыстарда үздік нәтижеге қол жеткізген командалар.
Бұл жарыстың негізгі мақсаты - балаларды отансүйгіштікке тәрбиелеп, жігерлендіреді және салауатты өмір салтын насихаттап, жастарды спортпен шұғылдануға тарту дейді ұйымдастырушылар.
Жасөспірімдер алғашқы әскери дайындық негіздері бойынша сынға түсті.Турнир бағдарламасы бойынша оқушылар клубтары туралы бейнероликтер көрсетіп, «Айбын жұлдызы» шығармашылық байқауы мен «Smart Sarbaz» робототехника байқауында бақ сынады. Ал әскери-қолданбалы спорт түрлері бойынша, белтемірге тартылу, арқаға жатып денені көтеру, пневматикалық мылтықтан ату, АК-74 автоматын бөлшектеу және жинақтау, әскерилендірілген эстафета, арқан тартысу және ұлдар 3000 мен қыздар 1000 метрге жүгіруде бақтарын сынады.
Аталмыш сайыста «Аягөз арландары» командасында өнер көрсеткен оқушылар Жандос Жумағазинов, Алишер Айдарұлы мен Ерзат Дюсембеков, Аяулым Айбекова, Сабина Иливханова және Әділет Айнажаров пен Руслан Даутбеков намысты қолдан бермей барын салды.
Осылайша, командалық есепте жарыс кезеңдерінде АК-74 автоматын шашып-жинаудан командалық ІІ орын, әскериленген эстафетадан ІІІ орын, 3000 м жүгіруден І орын, белтемірге тартылудан ІІ орын, бейнеролик аталымы бойынша ІІ орын иеленсе, жекелей сындарда да оқушыларымыз жақсы өнер көрсетті.
Атап айтар болсақ, Жандос Жумағазинов белтемірге тартылудан І орын, 3000 м жүгіруден ІІІ орын және белтемірге тартылудан Әділет Айнажаров ІІ орын, АК-74 автоматын шашып-жинаудан Ерзат Дюсембеков ІІІ орынға ие болды. Ал, 3000 м жүгіруден Руслан Даутбеков ІІ орын иеленді. Команданың жетекшілері Рымбек Бейсеков пен Нұржан Нұржауовтың және оқушылардың табанды еңбектерінің арқасында «Аягөз арландары» жүлделі орыннан көріне білді.
Жүлдегерлер облыстық білім басқармасының грамоталарымен, медальдарымен және командалық кубоктармен марапатталды.